25 OCT 2004

Sunday, October 24, 2004

	they harm me badly

	美麗在心頭   微笑有甚麼理由 好開心我不用想太久 回憶中的鏡頭 期待中的溫柔 還有然後還有 快樂有很多理由 最快樂是懂得遺漏 甚麼都想追求 甚麼都可放手 然後還有然後 誰都想貪新不忘舊 誰不是一路上一邊看一邊走 不錯過任何挑逗 也不為任何人等候 誰都是一走去不回頭 醜陋留給塵埃 美麗在心頭 花花世界有我的 海市晨樓   一路以泥都好鍾意既歌

Saturday, October 23, 2004

很燥很燥 甚麼事都看不順眼 一鼓悶氣死死的厭在胸口 腦袋熱得發燙但身體冷得要死 眼珠緊緊黏著眼皮 每一次眨眼都帶來一陣刺痛 但又乾得連半滴水也搾不出來 每三分鐘準時來一下咳嗽 連帶鼻水也出來了 回過頭來再看沙特哪些一點不活潑的說話 ‘ 海德格認為人的暫時存有充滿了否定的「尚未」和「不再」 但是沙特卻更進一步探究出空無的一切齷齪和醜陋 它們像難聞的氣味或體臭，騷擾我們的人類情境 ’ 成句我淨係明白體臭係難聞的氣味同埋佢會騷擾到人 其他都搵唔到個羅緝響邊 但我就係要寫三千字呢d說話 唔好玩啦 ．．．．．．．．．．．．．．．．．．．．．．．．． 感激身邊這麼多人 多得迫爆這個市鎮 彼此可以走更近 只要不孤單　交心不交心～免問 他說起　不愛他的戀人 你說　怕這裡會陸沉 我說　我性格缺陷 只要講　不奢求　別人留神 好　輪流來對牛彈琴 好　輪流來帶團遊魂 好　殊途人卻同行 只要不穿崩　演出都總可進行 好　無聊人結成聯盟 好　無厘頭變成良朋 好　談前塵說為人 不理聽不聽　只想演講廳有人 感激身邊孤單的人 多得迫爆這個市鎮 迫得比至親更近 交際很開心　交心不交心免問 不管你是甚麼人 這晚你與我最接近 拜託　聽我說句話 准我講　講出來就能平衡 不理聽不聽　請你准我心事失禁 不理觀眾　聽不聽　我亦會越說越狠 廉價賣情感

	五點啦 我仲未訓 聽日九點半要番到學校 到底我響度做乜呢 寧願heir下網都唔訓 開學到而家 唔知有冇十晚係prepare好先訓既 好似己經變成左病態

Saturday, October 23, 2004

	馬塞爾，祈克果，尼采，沙特 睇左成日 揀邊個好呢 三千字．．．． 好煩啊 ．．．．．．．．．．．．．．．．．．．．． 除左人仲有冇其他動物會覺得悶嫁呢 猩猩會唔會食蕉食到悶呢 ．．．．．．．．．．．．．．．．．．．．． 感激身邊這麼多人 多得迫爆這個市鎮 彼此可以走更近 只要不孤單　交心不交心～免問 他說起　不愛他的戀人 你說　怕這裡會陸沉 我說　我性格缺陷 只要講　不奢求　別人留神 ．．．．．．．．．．．．．．．．．．．．．． 希望大家注意環保 唔係講笑 如果冇乜突然既改善 呢個地球可能會得番十年八年命 唔係老吹，自己睇下新聞

Friday, October 22, 2004

	數數手指 忽然間發覺自己已經五個月冇掂過部琴啦 唔係冇彈過，係直頭掂都冇掂過．．． 竟然一d唔習慣都冇．．．枉我小一學到而家 或者真正既興趣唔響呢度 ．．．．．．．．．．．．．．．．．．．．．． 我唔想自己有strong likes or dislikes ．．．．．．．．．．．．．．．．．．．．．．． 好好彩 抽第二次就抽到訓覺的Jack 係特別版 同上次買比妳果個岩岩好一pair 開心 ．．．．．．．．．．．．．．．．．．．．．．．．． 呢幾日既心情都不穏 我諗呢個係我最大缺點 不過無得改 sor

Thursday, October 21, 2004

	任烈火燒痛我無論誰傷了我 撫摸用你兩手撫摸 用盡力緊抱我 而前面所有人是傻

	背負不知名的罪 交雜著對錯和是非 昨天誰對不起誰 明天誰又為誰憔悴 努力忘了他的臉 自己還帶著脫不下來的尾戒 愛 不一定真切 再見卻已難實現   如果沒有感覺 墨鏡何必遮掩 這要命的依戀 還不肯退 堅持一點感覺 竟然也會如此狼狽 如果沒有感覺 哪來眼角的淚 安慰都顯得那麼可悲 不願收拾的感覺 讓我傷痕累累   當初發了瘋的追 如今反而拼命的退 看著他為愛受累 多麼痛誰可以體會 脫口而出的再見 以為能讓他瀟灑滴轉身而退 愛 若不肯完結 還要我賠上一切   自以為的慈悲 敖不敖得過不甘願 有一種美 原來充滿危險 錯在我愛的強烈 成打不開的結 太過重於直覺對不對 愛情本來不可以讓我為所欲為

Tuesday, October 19, 2004

誰迎頭來阻擋就摧毀誰 不論對手高低沒有恐懼 愛人愉快我都不枉捐軀 立毒誓做大事未怕死罪 攀得高拋不得不能回頸 要勇氣要爭氣對換成就 去除路障決心走出深溝 命運如何殘酷都要奮鬥 無遺憾他別妒忌別墜落吧 為求取代他愈陷阱用暴力吧 如長此下去我愛你愛到變化 你會害人嗎 我那麼牽掛 來除掉他做大事別懦弱吧 如殘忍害怕就靜靜活在地下 留芳萬世決意要他火化 浮華夢想倒影的曇花 不應放下*

Tuesday, October 19, 2004 響報攤見到一本唔知乜周 封面係‘楊思琦姣媾鄭家穎’ 將兩個粗俗既字加埋一齊變左一個操口既揩音 ．．．．唉 ．．．．．．．．．．．．．．．．．．．．．．．．．． 唔經唔覺又到左中段 前面落後左一d啦己經 係時候比心機 唔知大家有冇試過 有一包餅或者一樣野食 好開心買左番泥但又發覺唔多好味 唔想再食但又覺得好浪費 就索性將佢放響雪櫃既深深處 等到有一日佢終於過左食用日期 就好心安理得但又扮哂好唔捨得咁掉左佢 又或者係一本書一疊報紙 明知唔會再用唔會再睇 又係都要放上一段時間 等佢舊左黃左先好婉惜咁掉左佢 Monday, October 18, 2004 守護星 找個別人沒法比 誰及誰迷戀你 這樣要 想拉緊距離 竟花千世紀 像個長途追逐 你呼吸我喘氣 願我多走數百萬里 來日也攀得你起 可寄望存在轉機 仍在乎留戀你 這脈搏 感觀加心裡 都反覆記起 願繼續無聲 守護伴 來加添我運氣 像滿足需要 至少也歡喜 在悠長歲月點愛火 用柔和呼吸跟你渡過 誰這樣試過愛著你 誰願意給予更加多 若仍然抓不穩被窩 若誰人剎那再找一個 願你清楚 身邊火花閃過 這個我 其實都不錯 相信在旁伴你走 何地仍然緊扣 最後會 一點不保留 分享喜與憂 若這夜洪水 掩沒地球 誰管黑與白晝 地殼分開了 亦會在旁緊守 紅日到白雲天 可會發現 誰安守不變 (如一世諾言) 似願星星 照耀在你身邊 Saturday, October 16, 2004 情海翻波　簡單過壞燈膽 如不珍惜　比一切結果怎去承擔 假使單方心淡　會是個災難 這個世界裡我太渺小　生命在溶掉 無心看戰亂有多少　什麼比你的緊要 努力不懈　愛便生還 我為你何妨上刀山 不管已用幾年時間　一刻躲懶　情便永不返 帶著傷患　最後生還 我願意受多少的白眼 知道感情來得艱難　疲倦也好我不敢　眨眼 好耐 真係好耐未試過咁樣聚埋一齊傾計 一年，或者係幾個月裏面 大家都有好多轉變 好多野發生左，好多野都唔同左 希望以後都仲有機會咁 逝者如斯 唯真我如舊 ．．．．．．．．．．．．．．．．． 我諗讀哲學真係可以將一個人改變 讀左個幾月 己經令我一d二十年既諗法有左改變 ．．．．．．．．．．．．．．．．．． 放心 始終如一   Friday, October 15, 2004 I am a sick man. ... I am a spiteful man. I am an unattractive man. I believe my liver is diseased. However, I know nothing at all about my disease, and do not know for certain what ails me. I don't consult a doctor for it, and never have, though I have a respect for medicine and doctors. Besides, I am extremely superstitious, sufficiently so to respect medicine, anyway (I am well-educated enough not to be superstitious, but I am superstitious). No, I refuse to consult a doctor from spite. That you probably will not understand. Well, I understand it, though. Of course, I can't explain who it is precisely that I am mortifying in this case by my spite: I am perfectly well aware that I cannot "pay out" the doctors by not consulting them; I know better than anyone that by all this I am only injuring myself and no one else. But still, if I don't consult a doctor it is from spite. My liver is bad, well--let it get worse! 三日來食唔安坐唔落 搞到精神渙散身子衰敗 終於終於終於都解決左 原來只不過係張LAN卡壞左 而家發覺，可以聽到一聲icq既or o 或者係可以上web CT度望下 都己經係莫大既幸福 同埋果種得來既不易 無論個結局係幾咁無聊 幾咁低b，都總算係我自己整番好既 呢一刻 真係好開心好開心 暈左 我愛上網   Wednesday, October 13, 2004 電腦壞左 冇得用 ……….又上唔到網 開到機又關唔到 …………點算 Tuesday, October 12, 2004 今日既phy chem. test．．．．．真係想發脾氣 個感覺好似番番中四五果時考試咁．．．．冇乜邊條有把握 都係人在做，天在恥笑 算 除左呢樣，呢排算係一切向好 心情番緊泥，讀書番緊泥 ．．．．．．．．．．．．．．．．．．．．．．． 多謝KPS幫我狠狠咁解決左個問題 而家上網唔使再一步一驚心 我仲連續live update左五次以示鼓勵 雖然咁做既作用等於零 但我真的很是高興 ．．．．．．．．．．．．．．．．．．．．．．．． 星期日去左教院練波 成間野好似渡假屋咁 超靚，超正 過多幾個星期就又開始打手球啦 都未做證添 而為左隆重其事 我特登買左九年來既第一個supporter 等小弟以後唔使再擔驚受怕 可以再勇猛d 如果有時間，我想開波前買件波衫添．．．．好車恥添 Monday, October 11, 2004 成年人多決擇 兒童才搞出困惑 紅藍黃怎去畫 完全由規則扼殺 童言無忌 被糟踐踏 就算事態明白誰黑白 人無能不豁達 難明暸不懂接納 無聊時等見習 無靈魂空口對白 人人圓滑 求避開潑辣 就算後世回望求清白      Sunday, October 10, 2004 日漫畫述日軍暴行捱轟 http://appledaily.atnext.com/template/apple/art_main.cfm?sec_id=15335&showdate=20041010&art_id=4362292 http://www.history.gr.jp/nanking/ http://sakura777.web.infoseek.co.jp/motomiya-shuueisha.html 好唔開心 日日都有打仗 日日都有仇殺 用哂d錢泥買武器 然後窮到餓死 為乜呢 我冇乜世界和平既宏願 但日日打開報紙都係果三幅被 個感覺好死亡姐 切身處地 如果我有枝軍隊，或者如果我有枝槍 同人嘈起交上泥會點呢 又或者，個個同學都有幾枝炮旁身 而我又同佢地唔岩瓦 自己係咪又要買番枝呢 大人既世界，就係你唔想行都會比人迫住你跑 呢個世界既快樂只有constant既volume 所以邊個想更快樂 唯有搶走其他人果d 呢個就係今日既結論 第一個問題係 假如人仲能夠響世上生存幾千萬年或者億年 人仲會唔會進化呢 之前睇過報紙或者雜誌 話人個頭會愈泥愈大 而手腳會退化 我反對 我認為人既外貎唔會點變 除左大腦既摺痕會多左 先講頭部 其實之前既研究己經發現 人既頭己經大到去一個極限 而呢個極限係關乎到女人生仔既時候盤骨唔夠大 人類同其他動物一個唔同既地方係 一出生既時候完全冇生存既能力 要完全靠父母照顧 唔好話唔識行唔識走 連基本既呼吸，轉身，爬行，及任何覓食既能力都係零 同其他一生出泥就己經有基本生存技能既動物完全唔同 呢個就係因為人既腦，同埋頭過大 唔能夠響頭部發育完成先出世 如果唔係就會響盤骨卡住 會死 所以迫住要早幾個月出世，在母體外先發育 所以頭部首先唔會再大 咁會唔會女人既盤骨愈生愈大泥就BB呢 答案係唔會 因為盤骨既大小同行走既方便程度成反比 力學上泥講根本support唔到再大既盤 所以結論係頭部唔會再大 然後係四肢 如果因為現代人愈泥愈方便 唔使再咁多用手腳就判定手腳會退化 就太一廂情願，太武斷 首先，現代人雖然係方便好多 唔使行幾粒鐘番工，唔使再琴上棵樹度番屋企 但營養豐富左加埋操勞少左，d energy去左邊呢 答案係hin生出來既各類gym，運動等 從生存既角度睇，人原全可以大幅減少身體上既勞動 但從繁殖既角度睇，以男人泥講，有一副高大強健既身體 比一個十分聰明既人較有優勢 所以人會keep住做咁上下運動泥keep住身體上既繁殖優勢 而十分聰明但手腳退化既人，因為搵唔到伴侶 就會被淘汰 結論係，身體上亦唔會退化 唯一有可能既係 由於有繁殖既優勢，將來既靚仔靚女可能會愈泥愈多 (猩猩油光滿面係健康既特徵，但人類唔係 所以我估面油過多既人亦會愈泥愈少，純屬推測) 第二個問題係 人禽之別係乜呢 我覺得係，人會諗死後既問題，而動物唔會 我覺得呢類問題，係要探求人同動物既本質 盡量避免用俾社會教化之後twisted既人泥比較 以前既唔知乜野子話 人禽之別係仁義禮智 我唔同意 首先道德禮節始終帶有目的，或者係社會道德標準既壓力所致 好簡單舉個例子，響公車上見到啊婆啊伯，會唔會讓座呢 好多人都會，但有冇諗過係因為覺得自己應該咁做 定係真係好想咁做呢 就如唔知邊個哲學家提出既image man 會唔會係，自己心裏面set up左一個好人既image 然後為左將自己變成呢個人先盡量去做呢d覺得應該做 而唔係自己真係好想做既事呢 又以幼兒為例 假設佢地完全唔知乜野係應該做既事 只係知乜野係自己想做既事 佢地會同人爭野玩，會打交 完全唔會識任何道德禮節 所以本質上人同動物響呢方面係冇分別 （狗或者monkey響經過訓練都識將一件物事攞比第二隻狗或者monkey 　咁又叫禮節？咁人同動物又係冇分別？） 但就算父母冇教過 我諗好多幼兒都會問自己係點樣泥，死左會去邊呢類問題 相比起現世，好多人甚至更關心來世 而不同宗教亦不約而同咁有有關死後既去向問題 我相信唔少人重視自己品格，要求自己向善 亦係基於生前所作所為對死後去向既影響 例如基督教既上天堂，佛教定道教既輪迴等 (呢個hypothesis可能好唔成立，好一廂情願 人既智慧為地上最高，好多人識諗既野其他動物都唔識 唔能夠是但搵一樣就算係人禽之別) 好煩，唔諗啦 Saturday, October 09, 2004 http://www.chem.uoa.gr/Applets/AppletChrom/Appl_Chrom2.html Chem的同學得閒睇下 係個chromatography既website 有個野幾得意 Friday, October 08, 2004 suddenly found something Thursday, October 07, 2004 我地chem既newsgroup呢排出現左一個炸版既人 成日都用唔同既名出好多好多post 有好多都係意識比較大膽 或者係意淫既post 搞到好多同學同埋師弟妹都好興 我就覺得 唔使咁興啦 就當做下善事 比d渠道d弱勢社群發洩下囉 佢響呢度引下大家注意 總好過第時出街露何B泥引人注意 影衰埋我地個系啊 以後響個board度留言都係小心d 以策安全 呢個人連出個無聊post都要匿名 証名佢真係自卑得恐佈 心理仲可能有d唔平衡添 如果大家響個board度再鬧佢我怕佢真係諗唔開 做左傻事……跳樓或者點，都唔好啦 所以都係小心d用語好 希望呢個人最尾都會有社工或者係同學關心下佢啦 可能佢細個都受過一d性方面既．．．唔係咁好既經歷 希望有人幫佢排解到呢種不快 等佢唔使再響我地個板度亂up野泥囉成功感啦 包容一d 啦，佢都唔想既 我往前飛　飛過一片時間海 我們也曾　在愛情備受傷害 我看著路　夢的入口有點窄 我遇見你　是最美麗的意外 企響個問題裏面諗問題 就好似想扯自己頭髮泥掹起自己咁      琴日上堂dr. kwan講左幾個故仔 幾ok 講出泥比大家諗下 都係關於存在主義 諗乜野係真 乜野係假既問題 有一個話 有一班人 困住左響一個山洞 平排咁面向住一面牆 唔得向後望 而佢地既後面就有一班人響度行泥行去做緊野 再響果班人後面既係一堆火 而被困果班人一生人可以望到既 就只係牆上面既倒影 而永遠冇望到後面真正既人 個結論係 呢班人一生都冇望見過後面既人 就會以為牆上面虛假既影子係真實 唔會知道真相係點 呢個比喻係用泥反映呢個世上既野 會唔會都係虛假既呢 雖然睇得到摸得到 但乜野先係真既呢 真實既野都會折舊 只有唔存在既野，theory既野先係永恆 先係真實 呢個就係答案？ 點解愈來愈倡明既社會會愈泥愈變戀 愈泥愈多人自己想死 愈泥愈多人唔重視生命？ 定係因為倡明呢d事先被揭發出泥 以前只不過係隠而不發呢 上堂時我有過一個諗法 好多人話而家既人 愈泥愈冇左自己，精神上愈泥愈唔自由 愈泥愈唔明自己存在既意義 到底點解呢 我既諗法係 人都係動物 而千萬年來人類既文明 創造出泥既制度，觀念，文化，規條 其實根本上唔係人類最需要既野 而係一小撮最頂尖既人造出泥控制其他人既野 例如忠心，係統治者為左保障自己既地位而設立既野 而比統治者弱既人都為左團體既安定而遵守呢樣野 所以一舉排斥唔遵守呢個規則既人 結果會出現左愚忠呢樣野 有人為左佢既主人而願意獻出自己既生命 開始係為左自己所以遵守制度 過左咁多年就變成為左制度而放棄自己 又例如話倫常 因為近親繁殖對後代唔好 （最新既研究話人係好憎聞到近親既氣味 可能係大自然既設計用以避免近親繁殖　明報5-10-2004) 最初可能只係一種感覺上覺得唔好 慢慢又轉化變成一種道德 又變成一種階級 普遍對大自己一輩既人都因為道德唔可以一齊 例如話一夫一妻制 原本有愈多伴侶就對繁值愈好 但因為保障自己既後代 所以較強壯既男人就造左可以一夫多妻 但女人唔可以通奸既制度出泥 到到新社會女權抬頭 又變成左一夫一妻 慢慢人又因為遵守規則而忘記左最初有呢d規則既原因 去到十九世紀 當神本既社會響西方被推翻 當人唔再純綷咁為左一個外在既神而生活 唔再受好多好多道德枷鎖封住 開始回歸到自己開始追求自由 諗到底自己想點 諗自己最原始最基本既諗法同需要時 就發覺其實人己經唔再自由 佢祖先所制成既制度束縛住所有既人 就算有人諗通左，但因為盲目既佔大多數 所以你仍受法律，道德規條等約束 就好似＜軍雞＞呢套漫畫 個主角雖然成績優異，父母都受過教育 生活美滿幸福 但就係社會上既制度令佢覺得抖唔過氣 由一出世就被迫學習，被迫考試，被迫讀書 被迫做好多人唔應該做既野去令自己融入一個充滿規則既社會 所以佢一刀捅死左佢父母 完全冇原因．．．．至少站於大眾道德倫理既角度諗係 但佢坐左牢，被人威脅過被人強姦過 出左獄之後響你打我殺，弱肉強食既黑暗角落度生存 反而搵得番自己 會唔會係 一切既野都只係一個美麗的誤會 所有既存既制度都只係祖先遺留落泥 被曲解左萬次既野呢 好多最醜惡最黑暗最腐敗既野 會唔會先係人類最需要既呢 呢個係我今日既諗法   Tuesday, October 05, 2004 GTA-sanandreas   必買 , 十月出pc版啦