28 MAY 2012

呢排公司多人病
戴口罩開工既至少都有六七個
估唔到連我都中招
乾咳得愈泥愈勁
仲係咁流鼻水

今日都有多少天氣
因此做了流量管制給對家
所以成個上午都幾得閒
除左要小心GG有無博大霧情況
其他野都算routine
估唔到我呢個helper走左無耐
就忙起上泥
同事無發現GG做漏野
咁就出事了
除左唔好彩之外
都真係唔知講乜好
GG呢個對家
有最好既硬件設施
有所謂來自全國既人材
但做起野上泥
真係hea到爆
成日害同事領野
呢個centre唔單只係能力有問題
連態度都相當有問題

食左匙川貝枇杷膏
好似好左d
等我講埋今朝所目擊既一件
可以話係2012年以泥
最稱得上七到核爆既事先

話說我屋企樓下條街
平時唔算多車
都幾靜
有d人行過講野大聲d
我響屋企都會聽到

而今朝清晨五點五十五分既時候
我就比一聲 "X你老母hi" 的叫聲嘈醒
竟然響我非常唔夠訓既情況下
再剝削我五分鐘既睡眠時間 (今朝番早suppose六點起身)
令我相當扯火
我起身望出去研究下發生咩事啦
原來係一位打扮相當有型，頭髮遮住了半邊面的潮童
在教訓身旁的女友人
但見潮童再中氣十足咁叫左一聲 "X你老母hi"
一個右side kick將女友人跌到一仆一look

講操口己經唔岩啦
竟然仲打女人

負傷的女友人跑上屋企樓梯
潮童亦功成身退
準備離開

點知呢位潮童未夠喉
在小巴站旁邊見到幾位等開工的小巴司機大佬
竟然又用成條街都聽到的聲浪話
"望乜X野阿，過泥隻dub阿，X你老母hi"
幾位年過五十既司機大佬相當無奈
就好像在太平山上見到隻芝娃娃無啦啦向你狂吠
你想捉佢去人道毀滅，又怕比人話你大蝦細咁
原本事態應該隨著司機大佬們讓路比芝娃娃而告一段落
不過芝娃娃呢個時候犯左一個所有潮童都(有機會)會犯既錯誤
佢用剛才踼過女友人既同一隻右後腳
向小巴再泥了一個sidekick

由於角度問題我睇唔到駕車既傷勢
但由聲響判斷都應該唔小野

我心諗
今次愛護動物協會都保你唔住啦
要知道
對廣大的香港勞動階層泥講
老母被X事小
搵食工具被X事大

果然一聲令下
街上多了十幾位小巴司機(從衣著推斷是工聯會的)
把潮童團團圍住
呢個時候潮童放聲再重申了一次他的訴求
"隻dub阿,X你老母hi"
由於敵眾我寡
兩個要求都沒有被接納

非常可惜的是
司機大佬們這個時候竟然選擇報警求助
而沒有把芝娃娃分屍

此後潮童立即變臉
一邊陪笑一邊哈腰
剛才的氣焰消失得無影無跡

相信潮童最後必須要為情緒失控
賠償破壞小巴的一切費用
而多件被X了的老母hi則不了了之

對於整件事情發展的始末
我只能以"七到核爆"來形容
而對於潮童
我有小小的兩個忠告
第一
非必要唔好得罪小巴/的士司機
尤其是自己屋企樓下的小巴司機
因為唔係每位司機在包圍你之後都會選擇報警求助
第二
就算一開始控制唔到情緒做左七野
有機會的時候你還是可以選擇轉身逃走
而不必企硬繼續用操口來威脅對方母親
因為你一個人一定唔夠十幾個阿叔打
但係轉身逃走，果十幾個阿叔就好大機會追唔到你個潮童