港人講地昨晚發文，批抨陳文敏提出的兩成反對票方案荒謬。港人講地用立法會選舉和美國大選做例子，欲証明如果有兩成反對票即能阻特首當選，選舉將無法進行，因為無人能取得少於兩成的反對票。
港人講地明顯地有意無意偷換慨念，混淆了反對票和另一個參選人的支持票。同樣以美國大選為例子，因為有真正的競爭，兩黨候選人的支持率都介乎四至五成左右，兩黨都反對者，亦即等同陳文敏所說的反對票（請注意，反對票是等同反對所有候選人者，而非港人講地所說等同共和黨的支持票），根本不可能高達兩成。反過來說，假如美國大選的制度由民主黨操控，所有出閘的候選人都由以民主黨人為主的選舉委員會投票過半數產生，那麼出閘的候選人數無論是一個，兩個還是三個，投反對票的市民（變成了共和黨支持者和兩者都反對的總和）都將極有可能多於兩成。如果香港提委會選委會的組成真正附合基本法，由有廣泛代表性的港人組成，那麼港人講地的朋友大可放心，選舉結果被不停否決的情況不可能出現。正正因為現在的選委會組成認受性備受質疑，而人大831決定又門檻極高，只容許取得過半數票的候選人出閘，所以白票或反對票機制成為唯一能略為反映卑微市民意願，而又能維護中央權威與脆弱自尊心的方法。
再者，如政府廣告所說，香港登記選民超過五百萬，以我非常普通的數學能力嚴謹和反覆計算，兩成人。。。應該至少有一百萬人。所以港人講地所說的三十萬。。。唔通係careless mistake？
原文 source:
Speak Out HK 港人講地
24 Jan 2015
【笑聞一分鐘】兩成反對票阻特首當選 荒謬到極點？
白票守尾門方案，陳弘毅提出左之後，啲泛民好似梁家傑咁，講到明唔願意去傾！好啦，今次輪到泛民嘅陳文敏，同樣係法律學者，佢居然提出，白票無用，畀選民 投反對票至得架嘛，之不過聽左DETAIL之後，唔知大家嘅反應，係咪即刻跌咗落地呢？陳文敏話喎，就算個特首候選人攞到最多支持票，但如果有多過「兩 成」反對票，即係有超過30萬登記選民反對嘅話，都要即刻拉落馬喎？吓？呢個咩嘢「神」的邏輯嚟架？喂，根據你呢個理論，我諗立法會都好多直選議員要執包 袱走啦，打個譬如，人力嘅大嚿、慢必個啲，兩成反對票相信都好容易爆標喎！就算畀美國總統奧巴馬呀，共和黨陣營要發動兩成反對票簡直係EASY JOB啦！咁咪即係美國都唔駛選總統啦！查實阿陳文敏教授點解提到30萬選民反對數字，咁啱得咁橋，好似同你地泛民講參與佔領人數好吻合喎，唔通係計掂咗條數，泛民到時就可以動員到咁多人去否決 個特首當選？個概念有無問題喎，簡單問一句，假設已經有六成人支持某個人當選，過半數啦，但少數反而係兩成人反對，就要重選甚至取消資格，呢啲少數人玩贏 玩串大多數的荒謬局面，真係只有陳文敏你先諗得到啦！
沒有留言:
張貼留言