15 AUG 2013

王賢誌噚日凌晨喺8號風球下由新加坡返港，經歷九霄驚魂，𠵱家被迫暫留台灣以策安全，佢又投訴國泰拒賠償，王賢誌噚日接受電話訪問話：「今朝5點幾降落 時幾恐怖，兩次降落都唔得，要轉飛台北，9點幾再飛香港，呢次仲恐怖，架機左右搖擺，以為會撞機，驚到手腳冰冷，最後轉飛高雄。我同自己講唔會再坐第三 次，一定要落機，但國泰唔肯賠償。點解國泰喺8號風球都要冒咁大險？有少少攞乘客較飛，以後打風我唔會再搭國泰。」
撰文：馮仁昭

講電影變講國情，阿澤彭導最後一星期做嘉賓，
未睇？即上《亂噏24》重溫！

..............................................................................................................

其實我明白
飛左個幾鐘仲要連續兩次都落唔到
一般乘客感到不耐煩是可以理解的
而一些沒有常識的乘客認為自己經歷了九霄驚魂
也是可以理解的
希望史丹可以包容

補充一下資料

1. 一駕飛機在空中左搖右擺，是遇到氣流或windshear的自然表現，同撞機完全無關，這常識連我十歳的表弟都知道，只要扣好安全帶即可 (當然final approach遇到windshear是另一回事)，一個大男人，無必要驚到手腳冰冷。順帶一提，以前學飛的時候駕駛沒有autopilot的小型機，只要不是wind calm 就必定出現左搖右擺，癲坡程度比民航機大得多。
2. 一隻機降落時決定抽頭，其實是最安全的選擇，也是standard procedure，一d都唔危險。 一個pilot唔會等到隻機個gear掂地先發覺哎吔仆街land唔到要抽啦咁，每間公司都有自己的standard，去到幾低唔visual，或者唔stable，或者windshear過幾多等等，就會即抽，都有嚴格規定，唔係你以為點解做pilot　pro過阿王生你做三四線藝員咁多？
3. 八號風球降落冒好大險？昨日八號風球期間有數百航班無驚無險成功著陸，當然亦有數段時間windshear太勁連續六七架機miss approach(再一次，是超級正常的standard procedure)。而且，亞熱帶地區一到夏天有weather的日子超過一半，不是打風就是squally thunderstorms，春天時節就能見度低。唔通一年有一半時間要香港無飛機？或者王生可以滯留到冬天先番，都係一個有創意的做法。
4. 雖然我同國泰無乜關係，不過日常所見，國泰的pilot是眾多飛香港的airline裏面數一數二的，如果你見識過大韓的機師連續四次go around，漢莎hold個幾鐘全世界land哂都唔敢做approach，或者中華的前戰機機師如何抱著必死的心態衝落runway(n年前)，或者你會appreciate自己選搭的是國泰lor王生。

題外話，我女友話女仔成日都會手腳冰冷，好似飲果d紅棗茶有幫助喎。